علا كامل المصرية المقيمة بنيوزيلاندا

يكتب لــ «فاقوس بلدي» - «أشرف فودة»  مدير التعليم الإبتدائي بالمديرية

الشعب المصرى الطيب متشوق لأى خبر سعيد ومطمئن – وبدون أى احباط أؤكد ان حكم المحكمه له كل الإحترام – ولكن الجماعة أصلاً محظورة و لهذا قبل نهاية حكم مرسى أسرع الإخوان بعمل جمعية تفصيل فى 24 ساعة لكى يصبح لهم كيان قانونى مع التأكيد على أن حتى إنشاء الجمعية كان باطل شعب مصر الطيب متعود على أن يرضى بالقليل و يحمد ربنا ويفرح لأبسط الأمور لكننا الأن فى مرحلة حرجة فى تاريخ مصر والحكومة الحالية هى أهم حكومة والمفروض بما ان مصر فى حاله طوارىء ان يطبق قانون الطوارئ بمنتهى الحزم لانى لم أسمع فى حياتى أى دوله فى العالم فى حاله طوارئ ويتم السماح بمسيرات وشغب وإرهاب للمواطن ويتركوهم بدون اى عقاب ويتكرر المشهد كل يوم والتانى والضرر هو انهم يقومون بعمل شغب فى عدة مناطق لكى يظهروا انهم لهم أعداد كبيرة وهو غير صحيح – لكن الصوره قد تبدو كذلك نظراً لإنتشارهم فى عدة أماكن فى وقت واحد - والضرر الآخر هو أن الوطن لن يستقر – و أن العالم سوف ينظر لمصر على أنها بلد غير مستقرة و أن المؤيدين للإخوان أكثر من شعب مصر الآن بما أن الحكومة هى أهم و أخطر حكومة فى مصر يجب أن لا تكون صاحبة الأيدي المرتعشة – الأيدى المرتعشة لا تبنى الأوطان – والخبر الأهم المنتظر و المطلوب و المتأخر جداً هو إعلان الجماعة إرهابية – وفى هذه الحاله نكون فعلاً كشعب مصر قد ضربنا الإخوان فى مقتل – ويكون بالتالى أى تظاهر هو تظاهر إرهابى وهو كذلك بالفعل ويتم القبض عليهم والسيطرة على الأمن تكون أسهل الشعب المصرى نزل يوم 30 يونية ليس لإنهاء مرسى لأن مرسى شخص منتهى أصلاً ولكن لرفض الشعب المصرى المتدين للإرهاب الجسدى والفكرى والتطرف الدينى ولكى يتحقق هدف ثورة 30 يونية – لازم الحكومة تكون حازمة و قوية وهو ليس ما يحدث حالياً – الحزم والقوة هم أساس الإصلاح والحزم هو المؤيدى للسيطرة عليهم وعلى فكرهم المتطرف أنا آسفه يا مصريين صحيح فرحتوا بحظر أو حل ولكن ليس هذا الحل لأمن مصر القومى و لسلامة المجتمع المصرى .

دستور يا سيادنا ولا كتاب الدين !!!!!!!!!!!!!!!!!!!!!!!!! 

ضحكوا عليكم باسم الدين ولسه شغالين ضحك عليكم يا شعب مصر !!! 
الدستور هو عقد اجتماعى بين الشعب والدولة وبالمناسبة يبدوا ان فى ناس مش فاهمة ان مصر طول عمرها عندها دساتير مش اول مره نكتب دستور 

لكن البدع ال طلعت علينا من اصحاب البدع وتجار الدين مع الأسف هى السبب فى ما وصلت اليه مصر وفيما يحدث الان اثناء كتابه الدستور !!!! 

نفهم بقى ونصحى مصر طول عمرها بهوية وديانة وكفاية بقى قلبه دماغ فوقوا وكمان أهم شىء نركز عليه لمصلحه مصر والخروج من تجارة الدين الشغالة إلى الآن - نفهم يعنى إيه دستور ونكتب دستور مدنى لدولة مدنية ولو مش عارفين يعنى ايه دستور ولا يعنى ايه دولة مدنية ارجعوا إلى دستور 23 احسن دساتير مصر مش دستور أم أيمن المسلوق !!!! 
أو دستور 71 لكن خلاص فى لجنة وشغالة على دستور 2012 نصحى بقى ونبطل نلف حواليين نفسنا وندور على الوية شويه وندور على الديانة شوية !!!!!!! 
إرحمونا وإرحموا مصر يرحمكم من فى السماء . 

لازم يتم إلغاء الأحزاب الدينيه الباطلة أصلاً - و التأكد من أن أى حزب آخر يخرج منهم لكن باسم وهيئة غير دينية أنه دينى برضه !!! 
إقصاء وعزل سياسى لهم ومنهم منع بات من ممارسة الدعوى والخطب فى المساجد. 

نشر الوعى السياسى وتثقيف حتى الأمين عن السياسة والانتخابات .  

فى فوق ال 60 حزب فى مصر لأن واضح جداً ان فهم الحرية والديمقراطيه ما زال مش واضح فى مصر بدليل ان كل واحد يلم له شوية توقيعات ويعمل حزب وده يتسبب فى تفرقة الأصوات وتشتيت المصريين . 

مراجعه كل الأحزاب الموجودة حالياً و خاصة الدينية وحلها فورا . 

وأهم شىء يا مصريين رجاءاً السياسه بلا قلب - والسياسة شىء والعاطفة شىء أخر - خلط السياسة بالدين والسياسة بالعاطفة هو اللي خرب الدنيا و وصلنا لما وصلنا اليه حتى فى كتابه الدستور ما زلنا نخلط السياسة بالدين والسياسة بالعاطفة ومش عاوزين نزعل ناس على حساب ناس !!!!!!!!!!!! 
هو احنا فى قعدة صلح وانا مش عارفه ولا ايه ؟؟؟؟ فى ايه؟؟؟ اكتبوا دستور مدنى محترم لكل المصريين يحمى حقوق المواطنه وكرامه كل مصرى وحقوق الانسان وال يزعل يزعل مش مشكلتنا مصر أهم . 

ولابد من ضم احزاب او الغاء بعضها لان فى الإتحاد قوة ولابد ان نشرح للمصريين يعنى ايه انتخابات بالقايمة او الفردى - وفى معظم الدول يكون الاثنين معا وبالتالى سهل أوى العملية الانتخابيه وتكون واضحة لكن فى الدول الاخرى بيكون عدد الاحزاب أقل مش فوق الستين حزب !!!!!!!!!!!! 
كفاية بقى شوية متأسلمين لا علاقه لهم بالدين ولا بالسياسة يضحكوا علينا الى الان ويكفى انهم فى لجنه الخمسيين وده فى حد ذاته كارثة لانه يعتبر موافقة ضمنية لإستمرارهم فى الحياة السياسية مع الأسف . 
مصر دولة كبرى فى الشرق الاوسط و لها هوية مصرية نادرة على مستوى العالم و كل المصريين متدينين - إحنا مش كفار قريش وفى انتظار التيار الكهربائي يعلمنا الدين . 
لك الله يا مصر

السؤال الذى لم يكلف أحد نفسه بسؤاله أو الرد عليه ؟؟؟؟ 

مصر دول متدينة بهوية و رؤية وأديان مساوية منذ زمن طويل - وعندما دخلوا على شعب مصر بتجارة الدين - والضحك على الشعب بالشعارات الدينية - وكأننا كفار قريش وهم فقط الذين يعرفون الدين !!!!! 
ولخموا الشعب كله فى كلام فاضى لكى يتمكنوا من السيطره على الدولة المصرية وهم أصلاً لا يؤمنون لا بدول ولا بحدود - وما زالوا يضحكوا عليكم يا شعب مصر ويا نخبة مصر ويا مثقفين مصر باسم الدين إلى الآن - لأنكم ما زلتم تبحثون معهم عن الهوية والديانة - ومعنى كده إن مصر بلا هوية و لا دين من زمن إلا لما هجم علينا تتار العصر الحديث تجار الدين بجماعات و أسماء مختلفة و كلهم وجه واحد لعملة واحدة وهى الإرهاب باسم الدين و أعتقد انه من العيب عليك يا مثقف ويا مصرى بصفة عامة ان تبحث معهم على الهوية وتختلف على المادة الثانية - الأزهر يمثل المسلمين والكنسية تمثل المسيحيين عاوزة رد على سؤالي المهم التيار الإسلامى بيمثل مين ؟؟؟؟؟؟ 
و وجوده أصلاً هو قمة العنصرية والتفرقة حتى بين المسلميين بعضهم البعض و ليس فقط بين المسلمين و المسحيين - وإشراكهم فى وضع الدستور هو أكبر خطاء وقد يكون بداية لموافقة ضمنية على استمرار عملهم فى السياسه وفى الدعوى - وقد اسمع فى بعض الاحيان من البعض قول ان لا للاقصاء وانه يجب ان تستمر الهويه والماده الثانيه التى اتحفنا بها تجار الدين فى دستورهم المطبوخ كما هى - ولا اعلم كيف يفكرون او ربما تم شرؤاهم لسبب او لاخر - لكن الوطنية المصرية والوحدة المصرية وضمان ان تظل مصر هى مصر المعتدلة التى نعرفها دائما اتعجب جدا منهم وارفض ما يقولون - كما انهم كونوا احزاب باطله على مرجعيه دينينه مع ان كل دساتير مصر السابقه منعت ذلك بما فيهم دستور 71 اذن هم على باطل فى كل شىء وفى وجودهم اصلا وبعد ما رأينا منهم من تجارة بالدين وسياسة فرق تسد بين المسلميين وقتل الشيعة والمسيحيين وحرق الكنايس والارهاب الفكرى والجسدى لكل شعب مصر نتأكد وبالدليل القاطع انهم لا يصلحون ان يتحدثوا باسم الدين ويجب اقصائهم سياسياً و منهم حتى من الدعوى والحديث فى المساجد - ولهذا اكرر انهم ضحكوا عليكم يا شعب مصر بأسم الدين ومازالوا يضحكوا عليكم باسم الدين - ولك الله يا مصر .

مسخره السنين بين الجلسات العرفية و المتطرفين على مدى سنوات طويلة واشتغالة الجلسات العرفية شغالة على المسيحيين فى مصر وكأنهم مش مصريين !!!!! 
ومن يدير جلسات العار هم هم نفسهم المتطرفيين ال قتلوا مسيحيين وحرقوا بيتوهم وهجروهم وحرقوا الكنايس - لا تخرج قبل ان تقول سبحان الله !!!! 
أصلا أنا مش فاهمة إيه الفيلم الفاشل ده المصرى مصرى وحقه ييجي بالقانون و زمن جلسات العار ولى و مضى ولن يعود . 

بعد احداث دلجا الإرهابيين المتطرفين طلبوا من المصريين التوقيع على ما يفيد ان لم يحدث لهم أى ضرر - و هددوا المصريين ان يقولوا مين هم الإرهابيين!!!!! 

كل ده طول عمره بيحصل فى الصعيد المليان بالإرهابيين والمتطرفين فكرياً ودينياً وفى كل مكان فى مصر كلها يحدث نفس الشىء . 

من وجهه نظرى ان ده مش فتنة طائفية بقدر ما هو اهمال للقانون والتهاون فى العدل - وعدم معاملة المسيحيين على انهم مصريين !!! ده بقى بالنسبة لى أعجب شىء مش لقيه له أى تفسير -- المسيحيين هم اهل مصر وهم مصريين من زمان مش ناس مهاجرة و جاية تستقر فى مصر مثلاً . 

كمان و ده الأهم انى احب اشرح للناس التى لا تفهم ان حتى لو فى عدد السكان من هم أقلية أو عدد أقل من الباقين أياً كانوا - يبقى لازم يتعاملوا أحسن معاملة و الكلام ده مش كلامى ده بيحصل فى كل دول الحريات و الديمقراطية و الدول التى تحترم حقوق الانسان . 

أرجو وأطلب ان تتوقف الجلسات العرفية الخالية من أى عدل أو قانون وأن يحترم الجميع نفسه ويراعو ربنا ويفكروا ليه الجلسات دى ما بتحصل للمسلميين مثلا لو حصل لهم نفس الاضطهاد ونفس المشاكل ونفس الارهاب ؟؟؟؟؟ 

وبداية الاصلاح و وقف الجلسات يكون عن طريق عدم التهاون فى حق اى مسيحى و رفض أى صلح والدولة القوية هى الدولة التى تطبق القانون على الجميع و أرجو من الكنيسة المصرية ان تتمسك بحقها وبحق كل مسيحى ان ياخد حقه بالعدل والقانون . 

كمان ارجو ان كل المصريين يفهموا الكلام ده ويرفضوا ما يحدث للمسيحيين لانه مش عدل ولا يمكن ان يستمر . 

ومن غير المقبول أو المعقول ان المتطرف الإرهابى هو هو نفسه المسئول عن جلسات العار . 

كل واحد قتل أو حرق أو ارتكب اى جريمه لازم يتحاكم علشان يكون عبره لغيره ومصر كلها الان فى حرب ضد الارهاب وكل المصريين لازم يتذكروا ان المسيحيين تحملوا فوق طاقتهم ولم يطلبوا التدخل الحارجى فى مصر لا العسكرى ولا حتى السياسى ولا حقوق الانسان ووقف البابا تواضروس موقف الرجل المصرى الوطنى - روحوا بقى شفوا بتوع الشريعة والدقون وتجار الدين ال قرفونا فى عيشتنا وخربوا البلد هم من يطلبوا التدخل الخارجى ومازلوا مع الاسف . 

العدل المتأخر هو الظلم نفسه - وأولى مطالب المواطنة هى حق أى مصرى

لموا القتلة على السجون ولموا المتطرفين فكرياً على مصحات و لموا المؤيدين لهم من أنصاف المتعلمين على مراكز تأهيل و اتقوا الله فى  كل المصريين . 

علا كامل

نيوزيلاندا

08:22 صباحاً