سامح شعير ابن فاقوس .. شاعر عامية من الواضح أنه قرأ للعمالقة الرواد فؤاد حداد و صلاح جاهين و يكتب بأسلوبه الخاص و بإحساس صادق .
أوان الدفا
مصر اللي جايه... تضحك
ترمي الخلاص في البحر
الحمل كان موجوع
وسنين هوان.. وجنين
مستني ساعة أوان الطلق
لحظة ميلاد
والفجر كان ع الباب... وأدان
هزي الجذوع تنزل عليك الرطب
دا أوان الدفا ولا أوان البرد
يا ضمة أحبابك
ساعة لقا.. دابت سنين اليأس
صوت الضمير اللي هان علي اولاد ال.....
كلاب تنبح
ديابه تنهش في لحمك المسلوب
مغلوب زمان علي أمرك
لحظة غروب
قاعدين علي الشط.. نبكي حظ اللي كان غرقان
لحظة أمل
النيل بيضحك
والشمس طعم اللون دهب
والضحكة من قلب الولد
والريح تهب
واقفين ولادك
وأنت كما عزم الجبل..........ما يهزه ريح
ثورة.. عركة.. بركة..
لاجل ما تعتر رجليكي
والعاشق يحلم بيكي
شتان ما بين العاشق والعاشق
عاشق يبني ويعشق فيكي لحد الموت
وعاشق ينسج حواليكي الخيط
يرميكي في بير..... ويموت
صياد غاوي الصيد في الطينة.. والحيلة
لاجل ما نترحم علي أمس
كابوس............... ولا عودة
شقشقة الصبح بترقص علي عش الطير المقصوص جناحاته
وحياته.. أنه بيحلم
كل ما يحلم يموت
بيعاود حلم جديد من تاني
خيالاته بتبدر أحلام
فوق الأرض شراقي
وبتصحي علي ضي الصبح وتسأل
ده حلم.. ؟!! دي حقيقة
زي الشمس الطالعة
اللي بتسقي الضلمة النور
ولا ليل راح يرجع يلبد فيه خوفك
طوفك.... تنفيسة
لاجل تعبر عن ذاتك.. عن وجعك.. مسلوبة حياتك
احلفلي وبرحمة أبوك
إنك عمرك تاني ما حتخاف.. وإن يوم تصحي من النوم
ولا تلقي الحلم المنحوت فوق صدرك.. فوق كفك
فوق نني عينيك
عاود طوافك في ميدان التحرير من تاني
مصر اللي جايه... تضحك
ترمي الخلاص في البحر
الحمل كان موجوع
وسنين هوان.. وجنين
مستني ساعة أوان الطلق
لحظة ميلاد
والفجر كان ع الباب... وأدان
هزي الجذوع تنزل عليك الرطب
دا أوان الدفا ولا أوان البرد
يا ضمة أحبابك
ساعة لقا.. دابت سنين اليأس
صوت الضمير اللي هان علي اولاد ال.....
كلاب تنبح
ديابه تنهش في لحمك المسلوب
مغلوب زمان علي أمرك
لحظة غروب
قاعدين علي الشط.. نبكي حظ اللي كان غرقان
لحظة أمل
النيل بيضحك
والشمس طعم اللون دهب
والضحكة من قلب الولد
والريح تهب
واقفين ولادك
وأنت كما عزم الجبل..........ما يهزه ريح
ثورة.. عركة.. بركة..
لاجل ما تعتر رجليكي
والعاشق يحلم بيكي
شتان ما بين العاشق والعاشق
عاشق يبني ويعشق فيكي لحد الموت
وعاشق ينسج حواليكي الخيط
يرميكي في بير..... ويموت
صياد غاوي الصيد في الطينة.. والحيلة
لاجل ما نترحم علي أمس
كابوس............... ولا عودة
شقشقة الصبح بترقص علي عش الطير المقصوص جناحاته
وحياته.. أنه بيحلم
كل ما يحلم يموت
بيعاود حلم جديد من تاني
خيالاته بتبدر أحلام
فوق الأرض شراقي
وبتصحي علي ضي الصبح وتسأل
ده حلم.. ؟!! دي حقيقة
زي الشمس الطالعة
اللي بتسقي الضلمة النور
ولا ليل راح يرجع يلبد فيه خوفك
طوفك.... تنفيسة
لاجل تعبر عن ذاتك.. عن وجعك.. مسلوبة حياتك
احلفلي وبرحمة أبوك
إنك عمرك تاني ما حتخاف.. وإن يوم تصحي من النوم
ولا تلقي الحلم المنحوت فوق صدرك.. فوق كفك
فوق نني عينيك
عاود طوافك في ميدان التحرير من تاني