مولانا بيسبّ الدّينللخطباء المعتصمين
قدّام إدارة فاقوس
والعشرات منهم شاهدين
والمنطق بيقول فيه واحد
م الاتنين كدّاب….. مالهوش
يطلع منبر تانى ويخطب
إمّا محمد حنفى (السّابب)
أو خطبائنا المحترمين
وانا…. والقلب بينزف حسره
مكسوف جداً م الاتنين
معرور………..
حاسس إنّى هارجّع
قرفان م اللى وصلنا اليه
سايبين إيه يارجال الدّين
للحشّاشه وللصايعين
لمّا جريدة الوفد تقول
إنّ مدير أوقاف بجلالته
سبّ الدّين….ولمين
لأئمه …. بتعلّم أحكام الدّين
علشان إيه؟؟؟؟؟؟؟
علشان إيه يامدير يامطمطم
يا ابوعمّه وتحتها شياطين
علشان إيه جاك قطع لسانك
قبل ما ينطق سبّ الدّين
واجرى يا دمع على الخدّين
واقنع كلّ المسيحيين
انّ المسلم
مش سبّاب
مش لعّان
مش ش***ط
مش شرط يكون لابس عمّه
ولا جبّه وقفطان علشان
يتكلّم ف أمور الدّين
محاسب / محمد محمود عبدالفتاح